Хлопца асудзілі за ўдзел у пратэстах да «хатняй хіміі». У якасці доказаў віны — відэа з камер назірання і дэталізацыя тэлефонных размоў
У судзе Жлобінскага раёна асудзілі Мікіту Богуша паводле ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Яўгеній Ерафееў прызначыў Мікіту два гады абмежавання волі без накіравання ў папраўчую ўстанову адкрытага тыпу («хатнюю хімію»), паведамляе «Вясна».
Мікіта — студэнт 1-га курса адной з гомельскіх ВНУ. Яго затрымалі 23 жніўня 2022 года. Хлопца абвінавацілі ў тым, што ён 9 жніўня 2020 года ў цэнтры Жлобіна ўзяў удзел у акцыі пратэсту супраць вынікаў прэзідэнцкіх выбараў. Суд расцаніў гэта як «удзел у групавых дзеяннях, якія груба парушаюць грамадскі парадак». Таксама Мікіту паставілі ў віну «наўмысную перашкоду руху грамадскага транспарту». Мікіта разам з іншымі ўдзельнікамі акцыіі «пляскалі ў далоні, гучна крычалі, свісцелі, выкрыквалі розныя лозунгі».
На працэсе апыталі сведкаў, сярод якіх была маці Мікіты. Падчас следства ёй паказалі відэазапіс з пратэстаў, на якім яна пазнала свайго сына.
Мікіта цалкам прызнаў віну і раскаяўся ў здзейсненым.
Сярод матэрыялаў справы быў «пратакол агляду прадметаў ад 9 кастрычніка 2020 года з табліцай фотаздымкаў да яго».
Паводле згаданага пратакола агляду, падчас следства былі прагледжаныя:
— відэафайлы з АУС Жлобінскага райвыканкама;
— відэафайлы з мабільнага тэлефона, канфіскаванага 11 жніўня 2020 года ў нейкага «К»;
— запісы камеры назірання з адной з вуліц Жлобіна, якія былі забраныя ў ЖЭУ №3 Жлобіна;
Да матэрыялаў справы далучаныя «пратаколы агляду прадметаў» ад 15 лістапада 2020-га і 26 студзеня 2021-га, таксама з табліцамі фотаздымкаў. У названых пратаколах сілавікі аналізуюць жнівеньскія паведамленні ў тэлеграм-канале Nexta і жлобінскі чат у тэлеграме. У іх яны знайшлі «паведамленні аб закліках да масавых беспарадкаў з інструкцыямі да дзеянняў».
Мабільны аператар «А1» перадаў сілавікам CD-дыск з дэталізацыяй размоў Мікіты Богуша. З дапамогай гэтай інфармацыі стала магчыма высветліць месцазнаходжанне Мікіты падчас пратэстаў 9 жніўня 2020 года.
-
Аргенцінец закахаўся ў беларуску і пераехаў на хутар пад Маладзечнам
-
Беларус спазніўся на самалёт з Дубая і просіць кампенсацыю. Тураператар кажа, што ён сам вінаваты
-
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»14
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары