«Гэта не скарга. Але прашу праінфармаваць, чаму ў Вашай кавярні не прадаецца беларускае піва…», — пакінуў запіс ў кнізе заўвагаў і прапановаў міністр культуры.
Аўтарам апошняга запісу ў кнізе заўвагаў і прапановаў сталічнага «Ньюс Кафе» (News Cafe) з’яўляецца беларускамоўны міністр культуры Павел Латушка.
«Гэта не скарга. Але прашу праінфармаваць, чаму ў Вашай кавярні не прадаецца беларускае піва…», — пакінуў запіс ў кнізе заўвагаў і прапановаў міністр культуры, папрасіўшы пры гэтым, каб на гэтае пытанне прадстаўнікі «Ньюс Кафе» яму адказалі пісьмова. Пад пасланнем пазначана, то аўтар і на які адрас дасылаць адказ.
Зранку ў панядзелак карэспандэнтка пазваніла ў кавярню, каб дазнацца, ці ёсць рэакцыя на запіс Паўла Латушкі.
— У нас ёсць беларускае піва. Гэта «Kult» і «Kaltenberg» ад «Крыніцы». То бок, два найменні, як і пазначана ў асартыментным пераліку, — пракаментавала сітуацыю прадстаўніца кавярні Алена. — Так што мы норму выконваем. Пра гэта збіраемся пісьмова паведаміць Паўлу Паўлавічу.
Як нагадала суразмоўніца, запіс у журнале, пакінуты Паўлам Латушкам, усё‑ткі не скарга. Але калі іх тлумачэння міністру будзе недастаткова, а таксама будуць пажаданні пашыраць асартыментны шэраг беларускага піва, то гэта, канечне, будзе зроблена.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары