Колькасць загінулых у выніку ракетнага абстрэлу ў Дняпры дасягнула 25 чалавек, з іх 1 дзіця. Пра гэта паведаміў прэзідэнт Украіны Уладзімір Зяленскі.
Пры гэтым выратаваныя 39 чалавек, з іх 6 дзяцей. 73 чалавекі атрымалі траўмы, у тым ліку 13 дзяцей. Шукаюць цяпер 43 чалавекі.
Паводле папярэдняй інфармацыі, разбураныя 72 кватэры і пашкоджаныя больш за 230. Устаноўлены 4 палаткі ДСНС і 2 палаткі ад валанцёраў. Псіхолагі дапамагаюць пацярпелым. Пошукава-выратавальныя работы і дэмантаж небяспечных канструктыўных элементаў працягваюцца кругласутачна.
Падчас учарашняй атакі расійская ракета трапіла ў дзевяціпавярховы дом у Дняпры, быў знішчаны цэлы пад'езд. А ў Мінабароны Расіі сёння адрапартавалі, што мэта ўчарашняга ўдару па Украіне «дасягнутая».
Чытайце таксама:
Арастовіч патлумачыў сваю заяву пра тое, што ракету ў Дняпры збіла СПА
Дзяўчына з Дняпра, чыё фота на руінах дома абляцела свет, расказала, як уцалела
«Яе збілі. Яна ўпала на пад’езд». Арастовіч заявіў, што ракета ў Дняпры, якая трапіла ў шматпавярховік, была збітая СПА
«Я праклінаю вас да сёмага калена!» Эмацыйнае відэа з жыхаркай Дняпра, якая страціла ў разбураным доме сына
Расія працягвае ракетны тэрор. У Дняпры ракета ўдарыла ў жылы дом — абваліўся цэлы пад'езд ФОТА
Былы міністр культуры Руслан Чарнецкі знайшоў сабе падпрацоўку9
Каментары