Сямейны скандал сталай сямейнай пары з Чашніцкага раёна прывёў да завядзення крымінальнай справы.
Сямейны скандал сталай сямейнай пары з Чашніцкага раёна прывёў да завядзення крымінальнай справы, паведаміў следчы‑крыміналіст пракуратуры Віцебскай вобласці Уладзімір Байданаў.
Невялікі, але бурны скандал перажылі добрапрыстойных і законапаслухмяныя 67‑гадовы пенсіянер і яго 72‑гадовая жонка. У выніку сваркі жанчына з кантузіяй левага вока і пашкоджаннем вочнага яблыка апынулася ў бальніцы, дзе з‑за сур’ёзнасці атрыманай траўмы, вока давялося выдаліць. За нанясенне цяжкіх цялесных пашкоджанняў у дачыненні да яе мужа заведзеная крымінальная справа па п.1 ч.2 ст.147 Крымінальнага кодэкса Беларусі, якая прадугледжвае да дзесяці гадоў пазбаўлення волі.
Што прывяло пажылых людзей да сваркі, разабрацца складана, бо кожны з бакоў прыводзіць занадта супярэчлівыя сцвярджэнні, адзначыў Уладзімір Байданаў.
Напрыклад, няма адказу на пытанне, ці замешаны ў справе алкаголь — галоўны віноўнік такіх бытавых трагедый.Па сцвярджэннях пацярпелай, муж ўжываў спіртное. Той гэты факт адмаўляе. Медыцынскі агляд мужчыны адразу не праводзіўся, таму пацвердзіць дакладна тую ці іншую інфармацыю немагчыма. Разыходзяцца паказанні пары і ў прычыне скандалу. Хоць гэта ўжо і няважна: вока ж ўсё адно не вернеш.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск46
Каментары