У Мінску ўзвядуць новыя будынкі для паліклінікі пры анкацэнтры і інфекцыйнай бальніцы
Пры Мінскім гарадскім клінічным анкалагічным цэнтры пабудуюць новы кансультатыўна-паліклінічны будынак. Да такога рашэння прыйшлі на нарадзе па пытаннях стварэння навукова-практычнага цэнтра анкалогіі, паведамляе Міністэрства аховы здароўя.

Цяперашняя паліклініка анкадыспансера пабудаваная ў 1977 годзе. Спачатку яе планавалі рэканструяваць — надбудаваць паверх і зрабіць прыбудову. Але эксперты сумняваюцца, што гэтую мадэрнізацыю вытрымаюць наяўны падмурак і апорныя канструкцыі. Таму прынята рашэнне будаваць новую паліклініку. Ужо ідуць перадпраектныя работы.
А ўчора стала вядома пра будаўніцтва новай дарослай інфекцыйнай бальніцы. Яна будзе ўзводзіцца ў Навінках. Раней яе планавалі пабудаваць у сталічным мікрараёне Сухарава насупраць дзіцячай «інфекцыёнкі».
-
Будучыня беларускага электрамабіля ў тумане: «Магілёўліфтмаш» і «Вымяральнік» робяць занадта дарагія запчасткі
-
У Лідскім раёне можна набыць пад жыллё будынак былой чыгуначнай станцыі 120-гадовага ўзросту
-
Васкрасенскі напісаў, што Луцкіна прасілася вярнуцца на БТ, але Эйсмант не ўзяў. Луцкіна: «Хлусня»
Каментары