Грамадства22

Стала вядома пра выкананне смяротнага прысуду случчаку Віктару Скрундзіку

Стала вядома дата прывядзення ў выкананне смяротнага прысуду ў адносінах да случчака Віктара Скрундзіка. Прысуд у адносінах да яго ўступіў у сілу 4 мая 2021 года. Згодна з дакументамі, якія ёсць у распараджэнні праваабаронцаў, Віктар Скрундзік быў расстраляны 16 ліпеня 2022 года.

Фота: spring96.org

Беларускія ўлады прывялі ў выкананне смяротны прысуд праз адзін год і паўтара месяца, паведамляе «Вясна».

Мінскі абласны суд на выязным пасяджэнні ў Слуцку 6 сакавіка 2020 года асудзіў трох жыхароў Случчыны да вялікіх тэрмінаў зняволення, а Віктара Скрундзіка — да смяротнага пакарання. Іх абвінавацілі ў забойстве пенсіянераў і замаху на забойства 85-гадовай жанчыны. Але праз некалькі месяцаў калегія Вярхоўнага Суда па крымінальных справах адмяніла смяротны прысуд Віктару Скрундзіку ў парадку апеляцыі. Справу вярнулі на новы разгляд у Мінскі абласны суд.

15 студзеня 2021 года Мінскі абласны суд на выязным пасяджэнні ў Слуцку вынес такія ж прысуды, як і першы раз. У адносінах да Віктара Скрундзіка быў зноў вынесены смяротны прысуд. Праз пяць месяцаў Вярхоўны Суд зноў разгледзеў апеляцыйную скаргу случчака — гэтым разам калегія не задаволіла яе. 4 мая 2021 года смяротны прысуд уступіў у сілу.

Гэта ўжо не першы выпадак, калі праваабаронцы і грамадскасць даведваюцца пра лёс асуджанага да смяротнага пакарання праз такі дастаткова доўгі тэрмін. Напрыклад, Віктар Паўлаў быў расстраляны 13 мая 2021 года, а яго сваякі атрымалі дакументы толькі ў лістападзе 2021 года, увесь гэты час яны не ведалі пра яго лёс.

Варта нагадаць, што да гэтага праваабаронцам не вядомы лёс Віктара Сергеля, асуджанага да смяротнага пакарання 25 кастрычніка 2019 года. 31 студзеня 2020 года пры разглядзе апеляцыйнай скаргі яму было адмоўлена ў змене меры пакарання, і з таго часу ён мог быць расстраляны фактычна ў любы момант.

Каардынатар «Праваабаронцы супраць смяротнага пакарання» Андрэй Палуда адзначаў, што праваабаронцам невядома пра выпадкі вынясення смяротных прысудаў у 2022 годзе:

«Увогуле варта адзначыць, што пытанне смяротнага пакарання заўсёды знаходзілася пад заслонай сакрэтнасці, а цяпер маніторынг гэтых спраў адбываецца яшчэ складаней. Таму сцвярджаць, што ў 2022 годзе не былі прыведзеныя ў выкананне смяротныя прысуды, мы не можам. Мы выкарыстоўваем дастаткова асцярожную фармуліроўку аб тым, што нам пра іх невядома».

Акрамя гэтага, каардынатар кампаніі адзначыў, што праблема смяротнага пакарання ў краіне ў 2022 годзе была ў фокусе ўвагі, у тым ліку праз некаторыя сур’ёзныя змены ў заканадаўстве, згодна з якім цяпер прадугледжана смяротнае пакаранне за «замах на акт тэрарызму».

«Гэтыя змены заканадаўства адкрываюць яшчэ большыя вароты, бо нават за тое, што чалавек яшчэ не здзейсніў, могуць асуджаць да смяротнага пакарання. Канечне, прэцэдэнтаў па гэтых зменах пакуль няма. Але, як кажуць пра тое ружжо, што вісіць на сцяне: можа прыйсці такі момант у гэтым усім спектаклі, калі яно стрэліць. І гэта, дарэчы, карэлюецца з тым, пра што мы ўвесь час не толькі гаварылі, але крычалі. І нас не чулі. Мы крычалі і прасілі: «Паслухайце нас!» А нас не чулі. Ці, прынамсі, чулі не ўсе. Магчыма, мы зараз можам дагрукацца да людзей», — каментаваў заканадаўчыя змены Андрэй Палуда.

«Аднаго расстраляюць — знойдуцца іншыя». Рэпартаж з вёсак, дзе жорстка забілі старых

Каментары2

  • вероника
    17.02.2023
    наверно, кому-то срочно необходима пересадка органов. можно посмотреть закономерность, когда расстреливают - количество операций по пересадке увеличивается.
  • Хрыч
    17.02.2023
    Ну давайте еще это отморозка пожалеем

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць