Цягам 30 дзён у інстаграме грамадскай ініцыятывы «Годна» будуць публікавацца кароткія відэа з правіламі беларускай мовы і распаўсюджанымі памылкамі ў маўленні.
Акрамя саміх відэа, будуць давацца простыя і натхняльныя заданні на ўжыванне беларускай мовы, а таксама карысныя спасылкі на цікавыя рэсурсы, якія дапамогуць ахвотным ахінуць сябе беларускай мовай і палепшыць яе ўзровень.
«Беларуская мова, як і першае каханне, да кожнага з нас прыходзіць у свой час і па-рознаму. Але дакладна выклікае моцныя пачуцці і пакідае яскравы след. З цягам часу ты разумееш, што гэтая любоў з табой назаўжды.
Як кахаць трэба не толькі 14 лютага, так і пра беларускую мову варта памятаць штодня», — адзначае «Годна» ў сваім прэс-рэлізе.
Акрамя таго, у Дзень роднай мовы ініцыятыва выпусціла відэаролік пра любоў да беларускай мовы, у якім многія змогуць пазнаць сябе.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары