Мінздароўя забараніла размяшчаць аптэкі бліжэй, чым 500 метраў адна ад другой
Міністэрства аховы здароўя змяніла пастанову аб аптэчнай практыцы. Цяпер у Беларусі строга вызначылі адлегласць паміж аптэкамі, гэта рэгламентуе новая пастанова Міністэрства аховы здароўя (№11 ад 20 студзеня 2023-га), апублікаваная Нацыянальным прававым інтэрнэт-парталам.
У прыватнасці, згодна з новым дакументам цяпер у Беларусі ў населеных пунктах аптэкі 1-5 катэгорый павінны размяшчацца ў нежылых памяшканнях капітальных будынкаў (будынкаў або збудаванняў), калі ў радыусе 500 метраў няма іншай аптэкі.
Некалькі аптэк у адным будынку ў Беларусі зараз не можа быць размешчана, калі гэта не гандлёвы цэнтр.
У ГЦ з агульнай плошчай да 5000 квадратных метраў магчыма размяшчэнне не больш за адну аптэку. А ў гандлёвых цэнтрах памерам 5—10 тысяч «квадратаў» можна адкрыць не больш за дзве аптэкі. У гандлёвых цэнтрах ад 10000 квадратных метраў і больш — да трох аптэк.
Таксама ў дакуменце ўтрымліваюцца карэкціроўкі адносна работ аптэк пятай катэгорыі.
Усе новаўвядзенні Міністэрства аховы здароўя датычаць толькі новых аптэк, якія будуць адкрывацца пасля 1 сакавіка 2023 года. З гэтай даты ўступае ў сілу і пастанова.
Таксама Мінздароўя абнавіла спіс безрэцэптурных лекаў.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары