У красавіку археолагі пачнуць даследаванні гарадзішча на Менцы. Можна далучыцца да раскопак
Маштабныя работы на Менцы пачнуцца ў красавіку, як толькі дазволяць умовы надвор'я, расказаў «Мінск-Навінам» дырэктар Інстытута гісторыі НАН Беларусі Вадзім Лакіза.
Паводле яго, першымі на археалагічную разведку адправяцца супрацоўнікі Інстытута гісторыі. Яны вывучаць мясцовасць, намецяць месцы будучых раскопак.
Асноўныя даследаванні пройдуць улетку. Ужо ёсць дамоўленасць з некаторымі гістарычнымі факультэтамі ВНУ краіны аб тым, што іх студэнты будуць праходзіць археалагічную практыку на Менцы.
— Мы разумеем, што за адзін палявы сезон не атрымаецца поўнасцю даследаваць такі гіганцкі археалагічны комплекс. Уявіце, што толькі ўмацаваныя Малое і Вялікае гарадзішчы займаюць плошчу 2 га, вышыня іх абарончых валоў — 8—12 м, а селішча за крапаснымі сценамі займае 30 га. Таму выберам найбольш перспектыўныя ўчасткі на самым умацаваным гарадзішчы і прылеглым да яго селішчы. Спадзяёмся, што ўжо ў гэтым сезоне будуць знаходкі, якія праліваюць святло на самую раннюю гісторыю беларускай дзяржаўнасці, гарадзішча на Менцы і яго сувязі з сучасным горадам.
Лакіза запрасіў усіх ахвотных у якасці валанцёраў далучацца да будучага даследавання.
-
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра
-
«Нават калі на чэрапе будзе напісана «Вітаўт», мы не паверым». У Вільні пачынаюць свідраваць сцяну катэдры ў пошуках магілы вялікага князя
-
«Чаму беларусы нас не абаранілі?» Шукеловіч расказаў малавядомую гісторыю сям’і Багушэвіча
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
30 га гэта 300х1000 метраў.
няма там столькі
Усё дзяцінства там кароў пасьціў. Калі яны пра равок уздоўж менкі, ну там і 50 можна налічыць.
унутры сьцен каля 3 га мо і ёсьць