«Калі вырашыце, што патрэбна вам іншае жыццё, — паспрабуйце». Лукашэнка выказаўся пра наступныя прэзідэнцкія выбары
Пра гэта Лукашэнка заявіў, выступаючы перад журналістамі ў Хатыні.
Лукашэнку спыталі пра палітычную кампанію, якая будзе праходзіць у наступным годзе ў краіне, і пра тое, у якім стане да гэтага падыходзіць грамадства.
«У лютым 2024 года парламенцкія выбары, усіх Саветаў выбары — адзіны дзень галасавання, і праз некаторы час мы пераходзім да выбараў дэлегатаў Усебеларускага народнага сходу. Як звычайна, праз некаторы час пераходзім у прэзідэнцкую кампанію. Мы рыхтуемся з пункту гледжання гарантавання бяспекі для людзей. А астатняе — калі ласка, вы вырашайце. Як заўсёды, вырашаць будзе народ. Калі вы вырашыце, што патрэбна вам іншае жыццё, — гасподзь з вамі, паспрабуйце», — сказаў Аляксандр Лукашэнка.
Лукашэнка ўпэўнены, што на фоне апошніх падзей беларусы па-іншаму пачалі глядзець на шмат рэчаў.
«Я не хачу, каб было так, як сёння ва Украіне. У мяне дзеці, у многіх з вас дзеці. Хацелася б, каб дзеці жылі нармальна», — сказаў ён.
Лукашэнка кіруе Беларуссю з 1994 года, ён браў удзел у шасці выбарчых кампаніях.
Каментары