Сакратар Рады нацыянальнай бяспекі і абароны Украіны Аляксей Данілаў расказаў, што пасля поўнамаштабнага ўварвання Расіі настолькі шмат чытаў і так папсаваў зрок, што вымушаны быў наважыцца на аперацыю. Паводле яго слоў, аперацыя заняла 5-6 гадзін, чыноўнік нават не ляжаў у бальніцы.
Сваімі праблемамі са здароўем чыноўнік падзяліўся 4 красавіка на дыскусіі «Украіна перад абліччам знешніх выклікаў».
«Я сам у пэўнай ступені ўжо «кібарг». Я памяняў сабе вочы. Да пачатку вайны я не зусім добра адчуваў сябе са сваімі вачыма. Пасля ўварвання войскаў РФ трэба было шмат чытаць, я ўвесь час быў вымушаны насіць акуляры. Пасля лютага-сакавіка 2022 года, у красавіку, я ўжо наогул не мог нічога бачыць. Мне вельмі хутка, за паўтары гадзіны, памянялі адно вока, а праз 4 дні я замяніў іншае вока», — распавёў ён.
Данілаў прызнаўся, што нават не ляжаў у бальніцы, аперацыя заняла літаральна 5-6 гадзін.
«У пятніцу пасля абеду адпрасіўся ў прэзідэнта, а ў суботу ўжо пасля абеду вярнуўся да працы. Такія цяпер тэхналогіі. А далей, думаю, будзем мяняць усё, акрамя галавы і сэрца. Маецца на ўвазе не фізічнае, а ваша ўнутранае сэрца», — працягнуў ён.
Сакратар РНБА, праўда, не стаў удавацца ў дэталі аперацыі і як менавіта яму «мянялі вочы».
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары