У эфіры дзяржаўнага тэлеканала Юрый Васкрасенскі заявіў, што нібыта ў панядзелак адбудуцца перамовы аб абмене палітвязня Андрэя Пачобута на палітыка з апазіцыі Паўла Латушку. Гэтыя заявы не маюць ніякай сувязі з рэальнасцю, заявіла «Нашай Ніве» крыніца ў дыпламатычным корпусе.
«Гэта пераходзіць ужо ўсякія рамкі, — сказаў «Нашай Ніве» еўрапейскі дыпламат, якога мы папрасілі пра каментарый і які захацеў застацца неназваным. — Гэта не мае ніякай сувязі з рэчаіснасцю. Ëн вярзе лухту».
Юрый Васкрасенскі быў прызначаны лукашэнкаўцамі ў якасці кантактнай асобы для еўрапейскіх дыпламатаў, якія дабіваліся вызвалення палітвязняў. Васкрасенскі мог быць даўнім агентам лукашэнкаўскіх спецслужбаў, засланым у выбарчы штаб Віктара Бабарыкі. Пасля Васкрасенскага на нейкі час змясцілі, імаверна, у той жа ролі ў СІЗА, каб паспрабаваць зрабіць з яго постаць «апазіцыянера, які раскаяўся». Падчас прыезду Лукашэнкі ў СІЗА Васкрасенскага «выпадкова» пасадзілі па правую руку ад яго.
У ролі «дазволенага апазіцыянера» Васкрасенскі фігуруе ў дзяржаўных СМІ і нават на «Усебеларускім народным сходзе». Заходнія дыпламаты былі свядомыя, з кім маюць справу, але, выглядае, вымушаныя весці з ім справы, даваць яму шэнгенскія візы, каб мець шанцы выцягнуць з-за кратаў хоць некага.
-
Пасля шасці гадоў зняволення выйшаў на свабоду пінскі палітвязень Ігар Салавей
-
Пратасевіч адказаў Статкевічу і НН: Маё сумленне чыстае. А пра трусы маёй абранніцы прачытаюць больш, чым пра ўсемагчымыя Каардынацыйныя рады
-
Памятаеце жанчыну, якую падманулі расійскія турысты? Кампанія, якая тут ні пры чым, прапанавала ёй кампенсацыю
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары