«І што ты мне зробіш?» У Брэсце мужчына паспрачаўся з сужыцелькай, што яна не зможа яго ўдарыць, і атрымаў нажом у грудзі
У мясцовую бальніцу з колата-рэзанай ранай трапіў 51-гадовы мужчына. Высветлілася, што нажом яго ўдарыла сужыцелька, піша канал сілавікоў.
Падчас застолля яны паспрачаліся, і мужык вырашыў узяць жанчыну «на понт», маўляў, што ты мне зробіш. Тая ж, нядоўга думаючы, схапілася за нож. На пытанне, ці зможа яна ўдарыць, грамадзянка адказала станоўча і пырнула каханага ў грудзі, а затым выклікала хуткую.
Мужчына — у шпіталі, жанчына — у ізалятары. Супраць яе заведзеная крымінальная справа за цяжкія цялесныя пашкоджанні.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Каментары