Сакратар Рады нацыянальнай бяспекі і абароны Украіны Аляксей Данілаў перакананы, што на часова акупаваныя тэрыторыі Херсоншчыны і Луганшчыны ездзіў не прэзідэнт РФ Уладзімір Пуцін, а адзін з яго двайнікоў.
«Ну, па-першае, ніякі Пуцін там не быў. Гэта дакладна вядомая рэч. Для таго, каб пагутарыць з гэтым Пуціным, вы павінны мінімум 10-14 дзён правесці на каранціне. Ніякага Пуціна там не было. Быў звычайны двайнік, якіх у яго не адзін — гэта ўжо гэтак жа вядомая рэч».
Са слоў Данілава, Пуцін — «чалавек спалоханы», і думаць, што ён можа прыехаць такім чынам — проста немагчыма.
Сакратар РНБА нагадаў, як замежных гасцей садзяць за стол на вялікай адлегласці ад расійскага дыктатара, а паездкі Пуціна, з яго слоў, — гэта «цэлая працэдура», дзе падрыхтоўчы працэс стартуе «за 2-3 тыдні» і «ніякіх экспромтаў там даўно няма».
«Гэта прамая супрацьлегласць нашаму прэзідэнту, які можа ў любы час наведаць лінію фронту, непасрэдна быць з нашымі вайскоўцамі. Гэта наша адрозненне. Адрозненне ад бункернага дзеда Пуціна, які хутка сам сябе будзе палохацца», — падсумаваў Данілаў.
Цяпер чытаюць
Як 25‑гадовы Алесь уратаваў ад знікнення калекцыю беларускіх экспанатаў. Ён нарадзіўся і вырас у Германіі, але гаворыць па-беларуску1
Каментары