Прэзідэнт Уладзімір Пуцін наведаў штаб групоўкі войскаў «Днепр» на Херсонскім кірунку, дзе заслухаў даклады камандуючага гэтай групоўкай генерал-палкоўніка Алега Макарэвіча і камандуючага ПДВ генерал-палкоўніка Міхаіла Цяплінскага, паведамілі ў прэс-службе кіраўніка дзяржавы, перадае ТАСС.
Пуцін папрасіў далажыць яму аб сітуацыі на Запарожскім і Херсонскім кірунках, пасля чаго папрасіў генерал-палкоўніка Цяплінскага «выказаць свае меркаванні».
«Ведаю, што па даручэнні начальніка Генеральнага штаба і міністра абароны ён быў дастаткова доўга на пярэдняй лініі, зрабіў даклад вельмі грунтоўны. Міністэрства абароны і Генштаб вельмі высока яго ацанілі», — сказаў кіраўнік Расіі пра Цяплінскага.
Таксама Пуцін падарыў ваенным групоўкі войскаў «Днепр» ікону.
Пасля гэтага Пуцін прыехаў у штаб Нацгвардыі «Усход» у «ЛНР», дзе генерал-палкоўнік Аляксандр Лапін і іншыя афіцэры зрабілі справаздачу аб становішчы на сваім кірунку. У Крамлі падкрэслілі, што паездкі Пуціна загадзя не падрыхтоўваліся.
Месяц таму Пуцін наведаў Марыупаль. Там не абышлося без скандалу.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі25
Каментары