11 лістапада быў затрыманы распаўсюднік незалежнай прэсы Барыс Хамайда.
Супрацоўнікі Чыгуначнага райаддзела міліцыі завезлі яго ў пастарунак за распаўсюд незалежных друкаваных выданняў.
Барыса Хамайду затрымалі каля так званага Сіняга дому — дому №28 па вуліцы Леніна, дзе ён распаўсюджваў «Нашу Ніву», кніжкі Уладзімера Падгола з цытатамі Аляксандра Лукашэнкі, выданні «Радыё Свабода».
Сп. Хамайда толькі 3 лістапада аднавіў сваю распаўсюдніцкую дзейнасць пасля чатырохмесячнага перапынку: у пачатку лета ён трапіў у шпіталь і пэўны час мусіў берагчы уласнае здароўе. Паводле ягоных словаў, мінулы тыдзень прайшоў спакойна, і толькі сёння ён трапіў пад увагу міліцыянтаў.
Каментары