Сусветныя СМІ пішуць пра «сенсацыйны пройгрыш» Арыны Сабаленка ў Рыме
Немцы напісалі пра паразу, а італьянцы — пра падзенне зоркі. Беларусцы давялося прызнаць перавагу амерыканкі Сафіі Кенін, якая выйграла ў двух сэтах 7:6, 6:2.
Другая ракетка свету Арына Сабаленка ў стартавым матчы (1/32 фіналу) турніру WTA-1000 у Рыме пацярпела паразу ад амерыканкі Сафіі Кенін, якая ў рэйтынгу WTA займае 134-ю пазіцыю.
«Я выматана. Мне адзначна патрэбна падзарадка», — пракаментавала Сабаленка паразу ў сваім акаўнце ў твітары.
На працягу першай партыі беларуска ўвесь час была ў ролі даганяючай. Лёс сэта, які доўжыўся больш за гадзіну, вырашыўся на тай-брэйку, які амерыканка выйграла. У другім сэце дамінаванне прадстаўніцы ЗША было татальным.
Сусветныя СМІ адрэагавалі на паразу беларускай тэнісісткі бескампраміснымі загалоўкамі, піша Onet.pl.
Так, італьянскі intermagazine.eu паведаміў пра вынік Сабаленка ў кароткай нататцы пад назвай «Падзенне зоркі ў Рыме». «Накаўт Сабаленка» — так назвала свой артыкул італьянскае інфармагенцтва Ansa, пасля чаго таксама ахарактарызавала паразу як падзенне вядучай тэнісісткі свету.
Іспанскі сайт bolamarilla.com адзначыў, што Сафія Кенін нанесла «ўдар дня», дадаўшы, што амерыканка паказала выдатны тэніс.
Нямецкі сайт tennisaktuell.de напісаў: «Сафія Кенін нанесла паразу Арыне Сабаленка». Аўтар тэксту адзначыў, што галоўнай праблемай беларускі ў матчы стала вельмі дрэнная гульня пасля сваёй падачы.
Афіцыйны сайт WTA назваў тэкст «Кенін накаўтавала Сабаленка ў другім раўндзе». Сэрвіс паведамляе, што амерыканка ўпершыню за тры гады атрымала перамогу над тэнісісткай з першай «дзясяткі».
Гэта не адзіная сенсацыя чацвярга — перад матчам паміж Кенін і Сабаленка яшчэ адна топавая тэнісістка, «трэцяя ракетка» Джэсіка Пегула прайграла ў трох сэтах Тэйлар Таўнсэнд, якая займае ў рэйтынгу WTA 168 месца, і выбыла з турнiру.
Чытайце яшчэ:
Арына Сабаленка: Лукашэнка можа каментаваць што хоча, а я проста спартсменка з Беларусі
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна18
Каментары