У Нямеччыне звольнілі жонку Шродэра пасля святкавання імі 9 Мая ў пасольстве Расіі
Жонка былога канцлера Нямеччыны Герхарда Шродэра Со Ён Кім-Шродэр страціла працу ў кампаніі NRW.Global Business пасля таго, як разам з мужам наведала ўрачысты прыём, арганізаваны 9 мая пасольствам РФ у Нямечыне, паведамляе Bild.
«Спадарыня Шродэр-Кім звольненая з неадкладным уступленнем у сілу распараджэння, і яе працаўладкаванне ў NRW.GlobalBusiness будзе спыненае без папярэджання. Кампанія NRW.Global Business неаднаразова паказвала спадарыні Шродэр-Кім на тое, што прадстаўнікі не павінны публічна выказвацца па палітычна адчувальных пытаннях, асабліва па расійскай агрэсіі ва Украіне», — заявіла прэс-сакратарка міністра эканомікі федэральнай зямлі Паўночны Рэйн-Вестфалія Мона Нойбаур.
Прадстаўнік кампаніі паведаміў, што скасаванне працоўных адносін было разгледжанае з юрыдычнага пункту гледжання і цяпер гэтая праверка завершаная.
Жонка экс-канцлера працавала ў NRW.Global Business як прадстаўніца ў Паўднёвай Карэі.
Былы канцлер Нямеччыны Герхард Шродэр разам з жонкай, лідар правапапулісцкай партыі «Альтэрнатыва для Нямеччыны» (AfD) Ціна Хрупала і яшчэ некалькі нямецкіх палітыкаў наведалі мерапрыемства, арганізаванае амбасадай Расіі з нагоды 9 Мая.
Шродэр быў канцлерам з 1998 па 2005 год і лідарам СДПН з 1999 па 2004 год. Пасля таго, як яго адхілілі ад пасады кіраўніка ўрада, ён шмат гадоў працаваў у расійскіх энергетычных кампаніях і дагэтуль лічыцца за сябра Пуціна.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары