Памятаеце бунтаўшчыка, які закінуў ногі на стол падчас штурму Капітолія? Яму далі 4,5 года калоніі
Рычард Барнэт далучыўся да прыхільнікаў прэзідэнта Трампа, якія спрабавалі перашкодзіць сертыфікацыі вынікаў выбараў 2020 года. Фотаздымак з ім стаў адным з самых вядомых падчас штурму Капітолія 6 студзеня 2021 года.
Жыхар Арканзаса закінуў ногі на працоўны стол спікеркі Палаты прадстаўнікоў Нэнсі Пэлосі ў яе кабінеце, пасля таго як ён далучыўся да натоўпу, які штурмаваў Капітолій у 2021 годзе. Цяпер яго прысудзілі да чатырох з паловай года турмы.
Richard Barnett, also known as "Bigo," was convicted by a jury in January of eight charges, including civil disorder. He was sentenced to 4.5 years https://t.co/UWjbcRkYzk pic.twitter.com/F5mtLp1qNE
63-гадовы Рычард Барнэт адкінуўся ў крэсле, паклаўшы ногі на працоўны стол дэмакрата Пэлосі, калі яго сфатаграфаваў карэспандэнт AFP.
Здымак стаў адной з самых вядомых фатаграфій атакі на Капітолій 6 студзеня 2021 года.
Барнэт далучыўся да прыхільнікаў прэзідэнта Дональда Трампа, якія штурмавалі Кангрэс, каб сарваць працу заканадаўчага органа, які сабраўся, каб сертыфікаваць перамогу Джо Байдэна на прэзідэнцкіх выбарах, нагадвае «Голас Амерыкі».
Калегія прысяжных у Вашынгтоне прызнала Барнэта вінаватым па васьмі пунктах, уключаючы перашкоду сертыфікацыі вынікаў выбараў Кангрэсам, незаконнае пранікненне ў Капітолій і парушэнне парадку з ужываннем небяспечнай зброі — электрашокера, замаскіраванага пад кій.
Цяпер чытаюць
Ціханоўская павіншавала беларусаў разам з Калеснікавай, Севярынцам і Латушкам22
Каментары