Лукашэнка назваў кіраўнікоў заходніх краін вар'ятамі і заявіў, што яму надакучыла цярпець іх выхадкі
Беларусь і Расія пакуль цярпяць выхадкі вар'ятаў з кіраўніцтва краін Захаду, але гэта не можа працягвацца бясконца. Такую заяву ён зрабіў сёння падчас сустрэчы з губернатарам Калінінградскай вобласці Антонам Аліханавым.
Лукашэнка заявіў, што распачатая Захадам у 2022 годзе беспрэцэдэнтная спроба абмежаваць зносіны з Калінінградскай вобласцю і свабодны рух грузаў чыгуначным і аўтамабільным транспартам як з Расіі, так і з Беларусі, была асуджаная на правал. «Цяпер мы ў гэтым абсалютна перакананыя, — цытуе ягоныя словы БелТА. — Як бы нас ні спрабавалі падзяліць штучнымі бар'ерамі, не атрымаецца».
Больш за тое, гэта небяспечна для таго боку, які выступае з падобнымі ініцыятывамі, перакананы Аляксандр Лукашэнка, таму што такім чынам развязваецца эканамічная (і не толькі эканамічная) вайна, якую Беларусі і Расіі «вар'яты (безумцы ў арыгінале. — «НН») на Захадзе» спрабуюць абвясціць ужо не першы раз.
«Потым хай не крыўдзяцца. Мы ж нікому не пагражаем. Мы проста прытрымліваемся нашых інтарэсаў — Беларусі і Расіі. Пакуль з цяжкасцю, але атрымліваецца неяк цярпець усе гэтыя выхадкі. Але бясконца гэта працягвацца не можа, таму кіраўніцтва (падкрэсліваю — кіраўніцтва) Балтыйскіх дзяржаў, ды, напэўна, і Польшчы павінна гэта выдатна разумець», — сказаў ён.
Каментары