Узровень падтаплення ў Херсонскай вобласці нарэшце пачаў змяншацца: за мінулую ноч вада спала прыкладна на 20 см, працягваецца эвакуацыя людзей і жывёл.
«Па аператыўнай сітуацыі: у сярэднім па правабярэжжы вада трымаецца на адзнацы 5,38 м, па Херсоне — 5,35 м. Ужо бачым, што на 20 см за ноч вада спала. Папярэдне на сённяшнюю раніцу затоплена 3 624 дамы ў 32 населеных пунктах Херсоншчыны. На раніцу эвакуявалі 2 352 чалавекі. Ратуем і сяброў нашых меншых: эвакуявана каля 550 жывёл», — заявіў кіраўнік Херсоншчыны Аляксандр Пракудзін.
Ён заклікаў усіх, хто знаходзіцца ў зоне падтаплення, выязджаць, а не спрабаваць пераседзець, бо так людзі падвяргаюць сябе небяспецы. Ён запэўніў, што ўлады дапамогуць з эвакуацыяй, рассяленнем і матэрыяльнай дапамогай.
«Усе службы працуюць кругласуткава, кожны трымае свой фронт і ніхто не скардзіцца. Адзінае, чаго нам не хапае, — гэта толькі часу. 24 гадзін у суткі мала, каб вырашыць усе пытанні. Але мы стварылі кол-цэнтр 0 800 101 102, які аператыўна будзе прымаць усе званкі», — сказаў кіраўнік вобласці.
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары