Падчас начных удараў па Адэсе адна з ракет трапіла ў складское памяшканне, у выніку чаго тры чалавекі загінулі і сямёра атрымалі раненні, пра гэта паведаміла аператыўнае камандаванне «Поўдзень» УСУ.
Там дадалі, што, паводле ўдакладненых звестак, на Адэсу скіравалі чатыры ракеты «Калібр» з акваторыі Чорнага мора.
«У выніку паветранага бою і ўздзеяння выбуховай хвалі пашкоджаны бізнэс-цэнтр, навучальная ўстанова, жылы комплекс, установы харчавання і крамы ў цэнтры горада. Папярэдне, шэсць чалавек атрымалі раненні», — гаворыцца ў паведамленні.
«Трапленнем ракеты ў складское памяшканне адной з гандлёвых сетак вораг выклікаў разбурэнні ў 1000 кв. м і пажар на плошчы 400 кв. м. Тры супрацоўнікі склада загінулі, сем атрымалі раненні. Працягваецца разбор завалаў. Пад імі могуць быць людзі», — дадалі прадстаўнікі УСУ.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары