Галоўнакамандуючы арміі ЗША заявіў пра першыя поспехі ўкраінскага контрнаступлення
Украіна паступова дамагаецца поспеху ў контрнаступленні, пра гэта заявіў старшыня Аб'яднанага камітэта начальнікаў штабоў генерал Марк Мілі. Аднак пры гэтым ён дадае, што страты УСУ, імаверна, будуць высокімі.
«Украіна пачала наступаць — і яны паступова рухаюцца наперад. Гэта вельмі цяжкая бітва. Яна вельмі жорсткая, і на яе патрэбны значны час, а кошт будзе высокім», — заявіў генерал у каментары Reuters.
Мілі падкрэсліў, што ўкраінскае войска валодае высакаякаснымі афіцэрамі і высокім маральным духам, чаго нельга сказаць пра расійскае.
«Іх лідары не заўсёды дзейнічаюць узгоднена, маральны дух іх войскаў невысокі, і яны сядзяць на абарончых пазіцыях. Многія з іх нават не разумеюць, чаму яны там апынуліся», — сказаў амерыканскі военачальнік.
Марк Мілі бярэ ўдзел у нарадзе міністраў абароны краін НАТА, на якую прыбудзе таксама кіраўнік Мінабароны Украіны Аляксей Рэзнікаў.
На Захадзе пацвярджаюць поспехі контрнаступлення Украіны і прагназуюць далейшы прагрэс
Вялікабрытанія, Данія, Нідэрланды і ЗША сумесна дадуць Украіне сотні ракет для СПА
Лукашэнка заявіў пра 150 тысяч забітых і параненых за час контрнаступу, Мінабароны РФ назвала лічбы ў 20 разоў меншыя. Рэальныя будуць яшчэ меншыя
Украінскія вайскоўцы паказалі кадры з вызваленай Макараўкі ў Данецкай вобласці
«Беларусы будуць ціхенька думаць сваё. А вада камень точыць, дый Лукашэнка фізічна не вечны». Глыбокі маналог былога мытніка Алеся Юркойця4
Каментары