Käärijä з вялікім адрывам перамог у галасаванні гледачоў Еўрабачання, але саступіў Швецыі па балах ад журы.
Разгневаныя фанаты, абураныя паразай Käärijä, завалілі лістамі нарвежскую вяшчальную кампанію NRK пасля фіналу Еўрабачання. Фанаты заявілі, што сістэма журы на конкурсе павінна быць адмененая ці, прынамсі, змененая, піша Yle.
Käärijä з вялікім адрывам перамог у галасаванні гледачоў, але саступіў Швецыі па балах ад журы.
Кіраўнік праекта з NRK Тэа Фліндэр паведаміла нарвежскаму TV2, што кампанія вядзе перамовы з Еўрапейскім вяшчальным саюзам (EBU) аб сістэме журы. Чакаецца, што рашэнне па гэтым пытанні будзе прынята ў студзені.
— Рэакцыя людзей паказвае, што гэта можа быць добрай магчымасцю для EBU перагледзець працу журы, — сказала яна ў інтэрв'ю TV2.
— Мы вядзём перамовы з EBU, і нам паведамілі, што будзе праведзена пераацэнка і ў студзені прынята пастанова, — працягвае Тэа Фліндэр.
Мортэн Томасэн, прэзідэнт нарвежскага клуба Еўрабачання, кажа, што гэтая інфармацыя чаканая, бо Käärijä быў відавочным фаварытам.
— Я спадзяюся, што колькасць членаў нацыянальнага журы будзе павялічана, а яго склад зменены, каб у ім маглі ўдзельнічаць шараговыя фанаты, — сказаў Томасэн.
Аднак ён чакае, што журы застанецца, і яго ўплыў захаваецца на ўзроўні 50%.
На апошнім Еўрабачанні Фінляндыя атрымала ад гледачоў 376 балаў, а Швецыя — 243. Прафесійнае журы дало Швецыі 340 балаў, а Фінляндыі — 150.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»9
Каментары
Менавіта таму і вынік пад гэты юбілей 🤗