З чэрвеня па сярэдзіну верасня ў Беларусі праходзіць спецыяльная праграма «Мак». Як паведамляе прэс-служба МУС, комплекс мерапрыемстваў накіраваны на спыненне распаўсюджвання наркатычнай сыравіны расліннага паходжання, а таксама выяўленне і знішчэнне пасеваў нарказмяшчальных культур.
У міністэрстве адзначылі, што падчас рэйдаў толькі ў адным Іўеўскім раёне міліцыянты выявілі 40 гектараў дзікарослага маку. Забароненая расліна была скошана.
Таксама з дапамогай спецыяльнай тэхнікі знішчылі каля 10 гектараў пасеваў маку ў Мядзельскім раёне.
У МУС нагадалі, што за пасеў, вырошчванне, выраб наркатычных сродкаў, псіхатропных рэчываў з забароненых для вырошчвання раслін і грыбоў без мэты збыту можа быць накладзены штраф да 20 базавых велічынь (да 740 рублёў). І перасцераглі: «Гэтыя ж дзеянні, звязаныя з пасевам і вырошчваннем такіх культур з мэтай збыту або вырабу наркотыкаў, цягнуць крымінальную адказнасць».
Каментары
А траву и грибы просто достаточно высушить и они готовы к употреблению. Без риска для жизни.