Адзначыць гэту дату музыканты вырашылі эксклюзіўнай праграмай «Канцэрт у тэатры — сеанс з выкрыццём», якую і пакажуць 8‑га снежня ў тэатры імя Янкі Купалы.
Сёлета багата якія гурты адзначаюць круглыя даты свайго існавання. N.R.M., Neuro Dubel, B.N. А 8‑га снежня і J:морс.
Адзначыць гэту дату музыканты вырашылі эксклюзіўнай праграмай «Канцэрт у тэатры — сеанс з выкрыццём», якую і пакажуць 8‑га снежня ў тэатры імя Янкі Купалы. Плануецца, што падчас выступу прагучаць не толькі вядомыя хіты, але і песні, якія ўжо даўно не выконваліся на сцэне, пачынаючы з самага першага альбома «Асарці» (2000).
Музыканты абяцаюць, што песні будуць прадстаўлены ў спецыяльных аранжыроўках.
«Па атмасферы гэта будзе свайго роду канцэрт‑спектакль — больш ціхае гучанне, з рознымі нестандартнымі для нас інструментамі, з цікавымі гасцямі і ў асаблівым месцы. Увогуле, такіх выступаў у нас яшчэ не было», ‑‑ піша Уладзімір Пугач на афіцыйным сайце гурта.
Першапачаткова гурт называўся «No Logo». Гэта быў дуэт студэнтаў‑юрыстаў Уладзіміра Пугача і Арцёма Лядоўскага. У 1999 годзе да іх далучыўся гітарыст Раман Арлоў.
Ад 2000‑га года ў дыскаграфіі J:морс выйшла 11 дыскаў, сярод якіх і адзін цалкам беларускамоўны ‑‑ «Адлегласць».
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1
Каментары