Палітзняволенага адваката Віталя Брагінца перавялі ў шклоўскую калонію
Адваката Алеся Бяляцкага, нагадаем, асудзілі на восем гадоў калоніі.
Віталь Брагінец
У Мінскім гарадскім судзе 16 студзеня агучылі прысуд палітзняволенаму адвакату — 8 гадоў калоніі ва ўмовах узмоцненага рэжыму. Справу два тыдні ў закрытым рэжыме разглядала суддзя Алена Ананіч. Брагінца абвінавацілі паводле чатырох артыкулаў Крымінальнага кодэкса.
Віталь Брагінец абараняў некаторых палітвязняў, у тым ліку старшыню «Вясны» Алеся Бяляцкага, а таксама адваката Андрэя Мачалава, які на судзе застаўся без абароны праз арышт Віталя.
Стала вядома, што Віталь ужо пачаў адбываць тэрмін у папраўчай калоніі №17, як піша «Вясна».
Падтрымайце палітвязня лістамі, паштоўкамі і тэлеграмамі: ПК № 17, 213004, г. Шклоў, вул. 1-я Заводская, 8, Віталь Фёдаравіч Брагінец.
Каментары