Суд над галоўным трэнерам «ПСЖ» пройдзе 15 снежня. Яму пагражае да трох гадоў турмы
Крыстоф Галцье паўстане перад судом у Ніцы паводле абвінавачвання ў расавай дыскрымінацыі, паведамляе Le Parisien.
Трэнер ПСЖ быў дастаўлены ў пракуратуру пасля яго затрымання ў гэтую пятніцу і будзе выкліканы ў суд у канцы года па справе аб меркаваных расісцкіх выказваннях. Яму пагражае максімальнае пакаранне ў выглядзе пазбаўлення волі на тэрмін да трох гадоў.
Прычына арышту футбольнага спецыяліста — справа аб расавай дыскрымінацыі, пра якую стала вядома некалькі месяцаў таму пасля ўцечкі з пошты Жульена Фурнье, экс-дырэктара футбольнага клуба «Ніца». Галцье трэніраваў «Ніцу» з 2021-2022 гадах.
У пісьмах Фурнье казаў пра размовы з Галцье, у якіх той скардзіўся на колькасць «чорных і мусульман» у камандзе.
У пятніцу Галцье і яго сына (таксама экс-супрацоўніка клуба) выклікалі ў Ніцу і змясцілі пад варту на час дачы паказанняў на 24 гадзіны.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары