Журналістам удалося дакладна ацаніць страты Расіі падчас поўнамаштабнай вайны з Украінай
Крэмль свядома хавае, колькі расійскіх вайскоўцаў загінула ва Украіне з-за яго геапалітычных амбіцый. Журналісты «Медузы» і «Медиазоны» сумесна з даследчыкам залішняй смяротнасці з дапамогай двух незалежных метадаў змаглі з высокай дакладнасцю падлічыць страты расійскай арміі ў поўнамаштабнай вайне, развязанай Пуціным.
Афіцыйнай адкрытай статыстыкі наконт расіян, якія загінулі ва Украіне пасля 24 лютага 2022 года, няма. Каб гэта высветліць, журналісты выкарыстоўвалі дзве крыніцы.
Першая — гэта Рэестр спадчынных спраў (РСС), адкрытых грамадзянамі РФ на сваіх памерлых сваякоў (ёсць даныя з яго да канца мая 2023-га).
Другі — атрыманыя па афіцыйным запыце даныя Расстата аб смяротнасці, але толькі за 2022-і.
Праца з кожнай крыніцай запатрабавала двух розных метадаў, але абодва далі вельмі блізкі вынік па 2022 годзе. Зыходзячы з гэтага, можна зрабіць выснову, што разлікі па 2023 годзе, зробленыя на падставе РСС, таксама дакладныя.
Каб зразумець, якая доля забітых вайскоўцаў трапляе ў РСС, расследавальнікі выкарыстоўвалі спіс загінулых, знойдзеных у сацсетках і на могілках; яго складаюць «Медиазона» і Руская служба Бі-бі-сі.
У даследаванні журналісты выкарыстоўвалі паняцце «залішняй смяротнасці». Пры гэтым іх цікавіла толькі залішняя мужчынская смяротнасць, якую патрабавалася асаблівым чынам вылучыць з агульных даных. Пры даследаванні РСС таксама трэба было даведацца, колькі смерцяў стаіць за адной спадчыннай справай (гэта значыць сваякі якога працэнта людзей звяртаюцца па атрыманне яго спадчыны) — і журналісты гэта зрабілі.
Такім чынам, паводле даследавання,
на 27 мая 2023 года (гэта значыць да пачатку ўкраінскага контрнаступлення) агульная колькасць загінулых з расійскага боку склала 47 тысяч чалавек (калі яшчэ дакладней, з імавернасцю 95% колькасць загінулых знаходзіцца ў межах 40 і 55 тысяч).
У гэтую лічбу не ўваходзяць страты мабілізаваных і добраахвотнікаў з Данецкай, Луганскай, Херсонскай і Запарожскай абласцей Украіны. Між тым вядома, што менавіта часці так званых «ДНР» і «ЛНР» у 2022-м панеслі самыя цяжкія страты.
Такім чынам, расійская армія панесла страты ў тры ці чатыры разы большыя, чым Савецкі Саюз падчас вайны ў Афганістане (1979—1989), і ў дзевяць разоў большыя за страты федэральных войскаў падчас першай чачэнскай кампаніі (1994—1996).
Аб іншых незваротных стратах УС РФ удалося даведацца менш.
З улікам цяжкапараненых вайскоўцаў, звольненых са службы, агульная іх колькасць можа скласці мінімум 125 тысяч чалавек (а магчыма, значна больш).
Больш падрабязна, як лічылі і да якіх высноў прыйшлі журналісты, можна прачытаць тут.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары