«Гальчанюку выстаўлена абвінавачанне». Стала вядома, з-за чаго сын экс-гульца зборнай Беларусі пазбавіўся кантракта ў НХЛ
Напад на прыватную ўласнасць, хуліганства, непадпарадкаванне, супраціўленне арышту і пагрозы або запалохванне.
13 ліпеня стала вядома, што «Арызона» змясціла 29-гадовага форварда Алекса Гальчанюка на драфт адмоў з мэтай скасавання кантракта — праз два тыдні пасля таго, як хакеіст перайшоў у клуб.
Высветлілася, што Гальчанюк быў арыштаваны 9 ліпеня па шэрагу абвінавачанняў, уключаючы напад на прыватную ўласнасць, хуліганства, непадпарадкаванне, супраціўленне арышту і пагрозы або запалохванне, як паведамляе «Беларускі хакей» са спасылкай на The Athletic.
У паліцэйскім упраўленні Скотсдэйла пацвердзілі ўсе факты і заявілі, што «гэта быў толькі матэрыяльны ўрон і ніякіх траўмаў не было».
Прадстаўнік турмы паведаміў, што хакеіст быў накіраваны ў гарадскую турму ў нядзелю вечарам і вызвалены на наступны дзень пад падпіску аб нявыездзе.
Згодна з пратаколам суда, у панядзелак Гальчанюку было выстаўлена абвінавачанне.
Агент Гальчанюка Пэт Брысан пакуль ад каментароў адмовіўся.
Прадстаўнік NHLPA сказаў: «Мы разглядаем гэтае пытанне». Прафсаюз мае 60 дзён з даты скасавання кантракта, каб вырашыць, падаваць скаргу ці не.
Гальчанюк правёў 654 матчы ў НХЛ і набраў 354 (146+208) ачкі. Хакеіст абраны «Манрэалем» пад трэцім нумарам на драфце НХЛ — 2012.
Бацька Алекса Аляксандр Гальчанюк правёў нямала матчаў за зборную Беларусі, у тым ліку і на Алімпійскіх гульнях.
Сам Алекс аднойчы на зборах у Беларусі прымераў форму нашай нацыянальнай каманды, аднак гуляе за зборную ЗША.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары