У Адзіным рэестры пустых дамоў, які стаў весціся з пачатку 2023 года, цяпер захоўваецца інфармацыя ўжо пра больш чым 10 тысяч будынкаў. Яшчэ ў маі іх было 6,6 тысячы.
«Варта адзначыць, што Адзіны рэестр пустых дамоў пастаянна абнаўляецца. Цяпер у ім размешчана інфармацыя пра больш чым 10 тысяч хат, у тым ліку такіх, у дачыненні да якіх праводзяцца мерапрыемствы па пошуку ўласніка, а таксама ў дачыненні да якіх прынята рашэнне аб іх продажы і якія валодаюць іншымі прыкметамі», — адзначаецца на сайце Дзяржаўнага камітэта па маёмасці Рэспублікі Беларусь.
Доступ да рэестра адкрыты і бясплатны. Усе ахвотныя могуць паглядзець характарыстыкі той ці іншай хаты, даведацца яе месцазнаходжанне, стан, год пабудовы. Усе гэтыя звесткі збіраюць мясцовыя выканаўчыя і распарадчыя органы.
Таксама ў ведамстве адзначылі, што на публічнай кадастравай карце ёсць слой пра месцазнаходжанне пустых жылых дамоў, прызначаных для продажу. Гэты слой стварылі якраз на аснове звестак з рэестра.
Спіс пачалі фарміраваць у адпаведнасці з указам Лукашэнкі №116 ад 24 сакавіка 2021 г. «Аб адчужэнні жылых дамоў у сельскай мясцовасці і ўдасканаленні работы з дамамі, што пустуюць». З'явіўся рэестр у пачатку 2023 года, у ім тады была інфармацыя толькі пра 1200 хат.
«З чаго пачаць? Пачніце са шпалераў». Як найбольш ашчадна аднавіць купленую вясковую хату
«Тут такія прыгожыя кветнікі, а не гэтыя сумныя газоны з туямі». Лецішчы ў старых садовых таварыствах маюць свае перавагі
«Я магла б яшчэ вышыць. Толькі б знаць, ці нада гэта каму». Як жывуць апошнія жыхаркі апусцелых вёсак
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў15
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары