У ЗША 28-гадовы мужчына выкраў дзяўчыну, з якой пазнаёміўся ў інтэрнэце для здымак у парнаграфіі. Аднак дзяўчыну нечакана выратавала прыстаўка Nintendo Switch.
Дзяўчыну, імя якой паліцыя не раскрывае, скралі ў жніўні мінулага года, аднак яе гісторыя стала вядомая толькі цяпер. Дзяўчыну шукала сям’я, паліцыянты і валанцёры, але з кожным днём шансы меншалі.
Як распавёў тэлеканал ABC 15 Arizona, дзяўчыну скраў 28-гадовы мужчына, які пазнаёміўся з ёй праз інтэрнэт і планаваў аддаць яе ў сэксуальнае рабства. Аднак злачынца дапусціў памылку, якая і дапамагла паліцыі знайсці дзяўчыну: ён дазволіў ёй узяць з сабой гульнявую кансоль Nintendo Switch.
«Праз 11 дзён пасля свайго выкрадання дзяўчына змагла падключыцца да інтэрнэту, каб спампаваць новую гульню. Пры гэтым у Nintendo ёсць функцыя, якая апавяшчае сяброў-геймераў аб тым, што чалавек анлайн. Менавіта гэта і заўважыў сябра зніклай дзяўчыны і адразу ж паведаміў паліцыянтам. Тыя звязаліся з кампаніяй Nintendo і атрымалі доступ да геалакацыі гульнявой кансолі дзяўчыны. На той момант яна была ўжо за 3200 км ад роднага горада», — паведаміў тэлеканал ABC 15 Arizona.
На наступны дзень дзяўчыну вызвалілі і вярнулі дадому, а яе выкрадальніка арыштавалі. У красавіку гэтага года яго асудзілі на 30 гадоў пазбаўлення волі.
Як склаўся лёс хлопца з вядомага жыццесцвярджальнага фота студэнцкага маршу-2020?4
Каментары