У Віцебскім раёне забілі дзвюх старэнькіх сясцёр.
Справа па пунктах 1 і 2 часткі 2 артыкула 139 Крымінальнага кодэкса (забойства дзвюх старых чалавек) распачата пракуратурай Віцебскага раёна па факце двайнога забойства ў вёсцы Астрэйкава.
Пра гэта паведаміў следчы‑крыміналіст пракуратуры Віцебскай вобласці Уладзімір Байданаў.
Трупы 87‑гадовай і 82‑гадовай сясцёр з чэрапна‑мазгавымі траўмамі былі знойдзеныя ў іх доме 28 лістапада. Састарэлыя жанчыны былі забітыя паленам. Знікла як мінімум 40 тыс. рублёў.
Ва ўчыненні злачынства падазраюцца два мясцовыя жыхары. Аднаму з іх 27 гадоў, другому — 22 гады. Старэйшы затрыманы, малодшы знаходзіцца ў вышуку.
Расследаваць справу будзе пракуратура Віцебскай вобласці.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах8
Каментары