Хлопец быў адным з першых гамельчукоў, якога асудзілі нібыта за «гвалт у дачыненні да супрацоўніка міліцыі».
Суд над Аляксеем Губічам адбыўся 4 лютага 2021 года. Тады суддзя Цэнтральнага раёна Гомеля Віктар Казачок пакараў хлопца трыма гадамі калоніі і пастанавіў выплаціць «пацярпеламу» 300 рублёў маральнай шкоды.
Судовы працэс быў закрытым, таму блізкіх дапусцілі толькі на агалошванне прысуду, падчас якога стала вядома, што пацярпелы і сведка — супрацоўнік міліцыі Іваноў Іван Іванавіч. Пакаранне хлопец адбываў у ПК-15 Магілёва.
20 верасня 2020 года Аляксей удзельнічаў у «Маршы справядлівасці». Падчас маршу пачалася штурханіна, у якой нібыта пацярпеў інспектар крымінальна-выканаўчай інспекцыі Павел Шапавалаў, якому «быў нанесены адзін удар па задняй вобласці правай нагі». Сваякі распачалі ўласнае расследаванне, знайшлі сведку і відэа, дзе бачна, што міліцыянт упаў сам. Але пазней следства знайшло яму на замену іншага пацярпелага — амапаўца-ананіма, якога таксама, па версіі следства, неяк траўмаваў Аляксей Губіч. Сваю маральную шкоду ананімны пацярпелы амапавец ацаніў у дзве тысячы рублёў, піша «Гомельская вясна».
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»16
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары