Затрымалі трэнера і адміністратарку гродзенскай футбольнай школы «Нёман»
Абаіх вінавацяць у падпісках на незалежныя рэсурсы.
Затрыманы трэнер — 35-гадовы Дзмітрый Бельскі. Ён скончыў Гродзенскі дзяржаўны ўніверсітэт, факультэт фізічнай культуры. Больш за дзесяць гадоў трэніруе футбалістаў, мае трэнерскую ліцэнзію UEFA. Цяпер ён трэніруе дзяцей у спартыўнай дзіцяча-юнацкай школе алімпійскага рэзерву (СДЮШАР) «Нёман», якая спецыялізуецца на футболе.
Затрымана таксама адміністратарка клуба СДЮШАР «Нёман» — 42-гадовая Юлія Арлашына. Яна гарадзенка, скончыла Гродзенскі дзяржаўны педагагічны каледж.
У відэа сілавікоў Дзмітрыя і Юлію вінавацяць у тым, што яны былі падпісаныя на «экстрэмісцкія» рэсурсы, хаця ў структурах «Нёмана», быццам бы, «правялі тлумачальную працу». Для былога спартыўнага дырэктара ФК «Нёман» Дзмітрыя Кавалёнка гэта скончылася адміністрацыйным пакараннем і звальненнем.
«Наша Нiва» — бастыён беларушчыны
ПАДТРЫМАЦЬ
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары