Загадчыцу кафедры магілёўскага ўніверсітэта судзяць, справа палітычная
Ва ўніверсітэце яна прапрацавала амаль 20 гадоў.
Былой загадчыцы кафедры аднаго з універсітэтаў Магілёва выстаўлена абвінавачанне ў «распальванні варожасці», як паведамляе СК.
Сцвярджаецца, што яна нібыта распаўсюджвала ў інтэрнэце публікацыі, накіраваныя на распальванне нацыянальнай і іншай сацыяльнай варожасці.
СК піша, што выкладчыца на сваёй старонцы ў інтэрнэце неаднаразова размяшчала даступныя для свабоднага прагляду публікацыі, «накіраваныя на распальванне варожасці па прыкмеце нацыянальнай і іншай сацыяльнай прыналежнасці».
«Не саромеючыся ў сваіх выказваннях адносна беларусаў, рускіх і вайскоўцаў», яна «заклікала да дзеянняў, звязаных з гвалтам і прычыненнем шкоды», — падкрэслівае СК.
Жанчыне выстаўлена абвінавачанне па ч. 1 арт. 130, яна пад вартай.
Імаверна, размова ідзе пра Наталлю Мартусевіч.
Яна скончыла біяфак Магілёўскага дзяржаўнага ўніверстэта імя Куляшова з адзнакай у 1998 годзе, а праз чатыры гады абараніла кандыдацкую дысертацыю па спецыяльнасці «фізіялогія». Гэта выбітны вынік для навуковага супрацоўніка. З 2004 года Наталля Мартусевіч працавала дацэнтам ва ўніверсітэце, які скончыла, і больш за 15 гадоў не толькі займалася навукай, але і выкладала.
Відэа з жанчынай выйшла ў сакавіку на канале магілёўскага ГУБАЗіКа. У ім яна кажа, што «пісала ў экстрэмісцкіх чатах» і «зарэгістравалася ў плане «Перамога». Праўда, мяркуючы па скрыншотах, у фэйкавым плане «Перамога». ГУБАЗіК пагражае жанчыне крымінальнай справай і зняволеннем.
Першапачаткова выкладчыца была на волі.
Цяпер чытаюць
Латвія «па тэхнічных прычынах» закрыла мяжу з Беларуссю25
Каментары