«Наша задача — каб пад удар не патрапілі невінаватыя і не звязаныя з рэжымам людзі». Ціханоўская пракаментавала рашэнні аб небяспечных для Літвы беларусах
Дэмакратычныя сілы Беларусі знаходзяцца ў кантакце з урадам Літвы наконт пытання прызнання беларусаў асобамі, якія ўяўляюць пагрозу для яе нацбяспекі, заявіла Святлана Ціханоўская, каментуючы інфармацыю пра тое, што 910 беларусаў прызнаныя літоўскімі ўладамі асобамі, якія нясуць пагрозу нацыянальнай бяспецы.
«Я разумею, што дзеянні Літвы прадыктаваныя нацыянальнымі інтарэсамі і бяспекай. Рэжым Лукашэнкі нясе прамую пагрозу нашым суседзям, і мы гэта паўтаралі ад 2020 года. Нельга выключаць, што рэжым можа мэтава засылаць сваіх людзей у гэтыя краіны.
Наша ж задача — каб пад удар не патрапілі невінаватыя і не звязаныя з рэжымам людзі, і мы знаходзімся ў кантакце з уладамі Літвы наконт гэтага пытання.
Абсалютная большасць беларусаў не падтрымліваюць злачынную вайну Расіі супраць Украіны і працягваюць дапамагаць Украіне, многія змагаюцца з дыктатурай у падполлі.
Вельмі важна, каб яны маглі ў выпадку пагрозы знайсці бяспечны прытулак у Еўропе», — падкрэсліла Ціханоўская.
Чытайце таксама:
Кіраўнікі МУС Літвы і Польшчы абмеркавалі магчымую ізаляцыю Беларусі
Частка вагнераўцаў размясцілася непадалёк ад мяжы з Літвой — Наўседа
«У лагеры не хацелася ні спаць, ні есці». Былога беларускага памежніка, якога ў Літве прызналі небяспечным, перадалі Польшчы
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары