Моды44

Знайдзіце 10 адрозненняў. У летняй калекцыі «Элемы» заўважылі плагіят

Elema, як выглядае, скапіявала касцюм вядомай беларускай дызайнеркі. Расказваем падрабязнасці.

У летняй калекцыі Elema мы заўважылі касцюм са штанамі, які цалкам нагадвае двойку вядомага беларускага брэнда Kardash.

Элема
Фота: інстаграм брэнда Elema

Адрозніваецца ён ад арыгінала размяшчэннем кішэняў на жакеце і поясам штаноў: у Kardash ён на гумцы, у «Элемы» — на поясе. Асноўныя канструктыўныя элементы, а таксама колер скапіяваныя адзін у адзін.

Ольга Кардаш
Фота: інстаграм брэнда Kardash

Вольга Кардаш, якой належыць ідэя касцюма, падзялілася сваімі думкамі датычна такога «супадзення»:

 — У гэтай гісторыі непрыемныя дзве рэчы. Першая — што, у адрозненне ад невялікіх брэндаў, у якіх няма дызайнераў і якія «заточаныя» на продаж копій, у «Элемы» дызайнерская каманда ёсць. Пры гэтым на прадпрыемстве настолькі дрэнна з крэатывам, што яны крадуць усю ідэю цалкам: ад самой мадэлі да каляровай гамы. Шкада, што брэнд, які меў патэнцыял, не развіваецца і штампуе чужое. Мне за іх сумна.

Другая непрыемная рэч, якую згадвае Вольга, — заробак. Капіюючы чужыя ідэі, вялікі вытворца не спяшаецца выплачваць аўтарскі ганарар сапраўднаму дызайнеру.

— Прадпрыемства зарабляе на маёй ідэі, думаючы, што ніхто гэтага не заўважыць. Крыўдна, але гэтую сітуацыю я ніяк выправіць не магу. Да таго ж «Элема» — толькі вяршыня айсберга, і выпадкаў плагіяту за гісторыю існавання майго брэнда было шмат. Адзін раз я спрабавала прыняць меры, але гэта скончылася нерваваннем. Цяпер я стаўлюся да сітуацыі па-філасофску: вырашыла, што не буду ўлазіць у гэтыя разборкі. 

Шматгадовы досвед працы ў fashion-бізнэсе дапамагае Вользе глядзець на крадзеж яе мадэлей з іншага, больш пазітыўнага, боку:

— Спачатку, калі ўзнікалі такія сітуацыі, мяне гэта хвалявала. Але цяпер я стаўлюся да капіявання як да кампліменту. У канчатковым выніку я адрозніваюся ад плагіятараў тым, што яны не могуць нічога прыдумаць, а я магу. І прыдумляю.

Мы накіравалі запыт наконт каментара ў маркетынгавую службу «Элемы», а таксама напісалі ў інстаграм брэнда. Прадстаўнікі кампаніі пакуль не адказалі.

Каментары4

  • "каб жыць у шчасці, трэба красці-красьці-красці"
    07.08.2023
    "у адрозненне ад невялікіх брэндаў, у якіх няма дызайнераў і якія «заточаныя» на продаж копій"
    то бок невялікім красці можна?
  • Максим Дизайнер
    07.08.2023
    Сердечки на майки за 50 баксов лучше клепать, да?
  • дочка Максима Дизайнера
    07.08.2023
    Дизайнер, нот всего сколько?
    во. а кушать хочется всем

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

Беларусы масава шукаюць у Google «ваеннаабавязаны». У чым прычына?

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць