«Пафарбавалі, нават хлёркай пасыпалі. Але гэта цемра, сярэднявечча!» Як выглядае прыбіральня на «найлепшым» пляжы Беларусі
Найлепшым пляжам у Беларусі нядаўна прызналі Жодзінскі гарадскі пляж, такое рашэнне прыняла спецыяльная камісія. Чытачы выдання Ex-press.live з Жодзіна паказалі, у якім стане цяпер стацыянарная прыбіральня на гэтым пляжы, адзіным у горадзе.
«Сёлета на пляжы рэальна стала значна лепш, чым было. Але калі гэты пляж найлепшы, то як выглядаюць астатнія? Ну добра, гэта не самае галоўнае. Ёсць сапраўды важны момант — прыбіральня! — напісаў адзін з чытачоў выдання. —
Ёсць тут біяпрыбіральні. Але брудныя, смярдзючыя… Як усе бачылі, іх зносіць нават вецер. Ды і непрыемна там, дыхаць няма чым. Вось і вырашыў паглядзець стацыянарны туалет, у які людзі хадзілі шмат гадоў».
Здалёк, паводле слоў жодзінца, прыбіральня выглядае добра — сімпатычна пафарбаваная, яркая, прыкметная:
«Унутры туалет таксама пафарбавалі, нават пасыпалі хлёркай! Але гэта цемра, сярэднявечча. І гэта на найлепшым пляжы Беларусі!»
Мінчукі запатрабавалі пабудаваць прыбіральню на Мінскім моры. Петыцыя прайшла праз 8 дзяржарганізацый, але ці шмат толку?
У Крычаве ў парку паставілі новыя прыбіральні, якія тояць у сабе загадку
То козы, то сувязісты, то касцы. У Чэрыкаве ўжо два разы спрабавалі закласці парк каля возера, ды ўсё не па кані корм
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў9
Каментары