Пазняк напісаў адкрыты ліст Лукашэнку і Зяленскаму. Просіць абмяняць ваеннапалонных беларусаў на палітвязняў
Ліст тычыцца абмену двух палонных беларусаў, якія ваявалі за Расію. Ён прапанаваў абмяняць Максіма Зязюльчыка і Андрэя Герыловіча на актывістку Вольгу Залатар і журналіста Дзяніса Івашына. Ліст змешчаны ў тэлеграм-канале палітыка.
«Аляксандр Рыгоравіч і Уладзімір Аляксандравіч, звяртаюся да вас як да звычайных людзей, не ўжываючы вашых афіцыйных тытулаў, бо рашэнне аб справе, па якой я звяртаюся, мае перш за ўсё маральны характар», — гаворыцца ў лісце.
Два палонныя грамадзяне Беларусі (Максім Зязюльчык і Андрэй Герыловіч), якія былі ў расейскім войску, ваявалі супраць Украіны і асуджаныя судом Украіны на пазбаўленне волі адпаведна на 10 і на 9 гадоў, звярнуліся да ўлады Рэспублікі Беларусь з просьбай абмяняць іх на палітзняволеных Рэспублікі Беларусь.
Прашу вас паспрыяць такому абмену, улічыць маю прапанову і пазіцыю шматлікіх беларусаў у Польшчы. Менавіта: абмяняць палонных Максіма Зязюльчыка і Андрэя Герыловіча на палітвязняў у Беларусі: Вольгу Віктараўну Залатар — маці пяцярых непаўналетніх дзяцей, асуджаную на 4 гады пазбаўлення волі, і журналіста Дзяніса Яўгенавіча Івашына, асуджанага на 13 гадоў і 1 месяц пазбаўлення волі.
Публічны ліст не найлепшы спосаб у такой важнай справе. Я не валодаю ўладай і па свайму статусу не ў стане выкарыстаць метады дыпламатыі, прыдатныя ў гэтым выпадку. Звяртаюся наўпрост, абапіраючыся толькі на свой аўтарытэт сярод адданых для Беларусі людзей і не забыты ва Украіне.
Такі абмен магчымы. Ён будзе добрым для ўсіх».
«Зычу шчасця людзям Беларусі і шчасця людзям Украіны, каб будучыня нашых народаў была вольнай, светлай, дружнай і прыгожай», — заканчвае ліст Зянон Пазняк.
Палонныя беларусы, якія ваявалі за Расію, просяць абмяняць іх на палонных каліноўцаў або палітзняволеных
Ва Украіне асудзілі беларуса-вагнераўца. Ён пайшоў на пагадненне аб прызнанні віны і пазбег максімальнага тэрміну
Украінскі суд пачаў разглядаць справу яшчэ аднаго палоннага беларуса, які ваяваў на баку Расіі
«Добры лесаруб, але са звязанымі рукамі». Дыпламаты падсумоўваюць вынікі працы звольненага міністра Алейніка6
Каментары