Экс-кіраўніцы штаба Навальнага ў Томску далі адзін дзень на знаёмства з 90 тамамі яе справы аб «экстрэмізме»
Суддзя даў абароне экс-кіраўніцы штаба Навальнага ў Томску Ксеніі Фадзеевай менш за суткі на знаёмства з 90 тамамі крымінальнай справы аб «экстрэмісцкай» супольнасці і стварэнні НКА, якая замахваецца на правы грамадзян, паведамляе тэлеканал «Дождь».
Справу Фадзеевай пачаў разглядаць савецкі раённы суд Томска. Фадзееву, былую кіраўніцу штаба Навальнага і дэпутатку гардумы Томска, абвінавачваюць па тых жа артыкулах, якія былі ў справе Навальнага — аб арганізацыі экстрэмісцкай супольнасці і аб стварэнні некамерцыйнай арганізацыі, якая замахваецца на правы грамадзян.
Следчыя сабралі 90 тамоў матэрыялаў. У сённяшнім паседжанні пракурор заявіў, што Фадзеева «арганізоўвала незаконныя мітынгі», «удзельнічала ў незаконнай агітацыі» за Навальнага на прэзідэнцкіх выбарах, а сабраныя на ягоную кампанію грошы «не траціла, а крала».
Абарона папрасіла час на азнаямленне са справай. Суддзя Дзмітрый Худзякоў пагадзіўся і прызначыў наступнае паседжанне на 10 раніцы 15 жніўня.
Паказанні з боку абвінавачвання будуць даваць былыя паплечнікі Фадзеевай па штабе, а таксама юрыст Ілля Рамясло, які рэгулярна пісаў даносы на Аляксея Навальнага.
Ксенія Фадзеева стала каардынатаркай штаба Навальнага ў Томску падчас прэзідэнцкай кампаніі 2017 года. У 2020 годзе яна выбралася ў гардуму Томска. У канцы снежня 2021 года Фадзееву затрымалі. Суд прызначыў ёй забарону пэўных дзеянняў — ёй няможна карыстацца інтэрнэтам, мець зносіны з кім-небудзь, акрамя сваякоў, і наведваць масавыя мерапрыемствы.
«Я вельмі моцна ненавіджу тых, хто прадаў гістарычны шанец Расіі». Навальны напісаў рэзкі артыкул у адрас Ельцына, Чубайса, Венядзіктава і Сабчак
Навальнага асудзілі да 19-ці гадоў калоніі асобага рэжыму па справе аб «экстрэмізме»
«Ён сварыўся на людаедаў за іх недастатковы апетыт». Навальны назваў Стралкова палітвязнем
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары