У Беларусі выпусцілі незвычайнае марожанае — з перцам і адметнай калекцыяй іншых смакаў
Навінку прэзентавалі на прадпрыемстве «Кобрынскія сыры».
Марожанае ў вафлевым стаканчыку стварылі для тых, каму надакучыла звыклая «класіка», піша Tochka.by.
Незвычайная камбінацыя смакаў — спалучэнне вішні, перцу чылі і молатага перцу — прыйдзецца даспадобы тым, хто хоча пакаштаваць чаго-небудзь незвычайнага.
«Перац чылі і молаты перац надаюць марожанаму непаўторную пікантнасць і вастрыню. Вішнёвае пюрэ дадае прыемную кіслінку і асаблівы водар», — распавялі на прадпрыемстве.
У сацсетках карыстальнікі дзеляцца ўражаннямі. Тыя, хто ўжо паспеў знайсці на прылаўках марожанае з пярчынкай, запэўнілі, што выйшла смачна і незвычайна:
«Мне вельмі спадабалася такое марожанае! І спадабалася вішнёвае начынне, па кансістэнцыі, і смак наогул — вастрынка-пярчынка невялікая, прыемная. Можна нават крыху больш, але і так выдатна», «Начынне з рэзкай вішні — выдатна. Вастрыні не адчуваецца, выканаць трэба ў белым пламбіры. На перапрацоўку)».
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары
а марозіва класнае. толькі сапраўды - да рэзкай вішні белага б дадаць 🍚🌶️