Латвійскія памежнікі ў аўторак заявілі, што падчас затрымання людзей, якія незаконна праніклі на тэрыторыю Латвіі з Беларусі, яны зрабілі папераджальны стрэл у паветра. Гэта ўжо другі папераджальны стрэл на мяжы за два тыдні.
У нядзелю падчас маніторынгу сітуацыі на мяжы з Беларуссю вайскоўцы ў раёне горада Сілене заўважылі прыкметы незаконнага перасячэння дзяржаўнай мяжы. У пошуках людзей, якія маглі трапіць у Латвію, былі задзейнічаныя службовыя сабакі, паведаміў ахоўнік.
У Сілене былі затрыманыя чацвёра грамадзян Конга і адзін сенегалец. Мужчыны не падпарадкаваліся загадам памежнікаў і ўцяклі. Каб іх спыніць, памежнікі зрабілі папераджальны стрэл у паветра. Затрыманых вярнулі ў Беларусь.
Раней у нядзелю пра сітуацыю паведаміў кіраўнік памежнай службы Гунціс Пуятс. Паводле яго ацэнкі, апошнім часам мігранты становяцца ўсё больш агрэсіўнымі, не выконваюць загадаў памежнікаў, а пры затрыманні спрабуюць уцячы.
Раней пра неабходнасць рабіць папераджальны стрэл у паветра латвійскія памежнікі казалі 10 жніўня.
Паводле ацэнак латвійскай памежнай службы, у гэты панядзелак была адна з самых буйных спробаў незаконнага перасячэння мяжы з Беларусі ў Латвію за апошні час — 107 выпадкаў.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары