Гіркін-Стралкоў з турмы назваў імавернасць датычнасці Пуціна да забойства Прыгожына «мізэрнай»
У тэлеграм-канале былога камандуючага войскамі самаабвешчанай «ДНР», які цяпер знаходзіцца ў СІЗА, з'явіўся пост аб авіякатастрофе ў Цвярской вобласці, падчас якой загінуў Яўген Прыгожын з паплечнікамі. Паведамляецца, што тэкст быў перададзены праз адвакатаў.
На думку Гіркіна, магчымае дачыненне Пуціна да катастрофы бізнэс-джэта Прыгожына — «мізэрнае, прыкладна на ўзроўні імавернасці тэхнагеннай катастрофы». Яшчэ менш імаверна, што здарэнне было «тэрактам з боку Украіны ці Захаду», мяркуе Гіркін.
Паводле яго версіі, гаворка можа ісці «пра зачыстку ключавых сведак» ці пра «помсту з боку высокапастаўленых вайскоўцаў».
Гіркін адзначыў, што «не можа сказаць, што засмучаны», бо Прыгожын, «па вялікім рахунку, — вораг Расіі».
«Разам з тым тое, што адбылося, не можа выклікаць у мяне ніякай станоўчай рэакцыі, бо гэта чарговае сведчанне далейшага паглыблення смуты ў Расіі. Прыгожына трэба было судзіць, а не ліквідаваць, зараз ён не зможа даць паказанні. Вяртаюцца ліхія 90-я, а гэта вельмі небяспечна»,
— дадаў Гіркін, якога самога абвінавачваюць у датычнасці да ваенных злачынстваў. Праўда, у расійскім СІЗА ён сядзіць не за гэта.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары