«Не расцэньваем гэта як правакацыю». Хрэнін назваў інцыдэнт з польскім верталётам памылкай лётчыкаў
Міністр абароны Беларусі Віктар Хрэнін не лічыць парушэнне мяжы польскім верталётам правакацыяй. Ён звязвае інцыдэнт з «нізкай падрыхтоўкай лётчыкаў», паведамляе ТАСС.
«Гэта не што іншае, як нізкая падрыхтоўка лётчыкаў. У нас захоўваецца ўзаемадзеянне [з польскім бокам] у рамках забеспячэння палётаў. Мы бачылі гэты борт, мы ведалі, з якой мэтай ён ляціць — патруляванне дзяржаўнай мяжы, адсочвалі поўнасцю яго палёт <…>. Мы, у адрозненне ад нашых агрэсіўных суседзяў, не расцэньваем гэта як правакацыю», — прыводзіць словы міністра абароны ТАСС.
Беларускі бок, як паведаміў Хрэнін, не будзе ўзмацняць вайсковую прысутнасць на мяжы.
Паводле Дзяржпагранкамітэта Беларусі, 1 верасня польскі вайсковы верталёт МІ-24 парушыў паветраную прастору Беларусі. Прадстаўнік польскага пасольства быў выкліканы ў МЗС Беларусі.
У самой Польшчы адмаўлялі факт парушэння мяжы.
1 жніўня польскі бок заявіў, што беларускія вайсковыя верталёты заляцелі ўглыб тэрыторыі Польшчы на 2 кіламетры. Паводле беларускага боку, падстаў для абвінавачвання ў парушэнні дзяржаўнай мяжы не было.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары