Беларусы скардзяцца, што не могуць запісацца на польскія турвізы. У візавым цэнтры патлумачылі, што рабіць
У панядзелак, 4 верасня, стала вядома, што беларусы зноў могуць падаваць дакументы на польскі турыстычны шэнген. Пасля гэтага ў рэдакцыю «Люстэрка» напісалі некалькі чытачоў са скаргамі на тое, што магчымасці запісацца на падачу няма.
Адны скардзяцца, што ўсе спробы запісацца на візу заканчваюцца паведамленнем аб памылцы.
— Учора цэлы дзень выдавала памылкі, а цяпер паказвае, што да сакавіка няма свабодных месцаў, — распавёў адзін з чытачоў.
Іншы беларус спрабаваў запісаць на падачу дакументаў сваю маці. Але на сайце ён не знайшоў нават магчымасці абраць турыстычную візу.
З пытаннем, ці сапраўды аднавіўся прыём дакументаў на такі тып віз і што рабіць, як не можаш запісацца, «Люстэрка» патэлефанавала ў даведачную службу польскага візавага цэнтра VFS Global.
— Усё так, цяпер аднавіўся прыём дакументаў на турыстычную мэту паездкі. Неабходна запісвацца на сайце VFS Global.
Калі ў вас узнікаюць памылкі падчас запісаў, вам неабходна паспрабаваць змяніць прылады, заходзіць з розных. Таксама паспрабуйце пачысціць гісторыю браўзера і мяняць іх. Спрабуйце розныя спосабы, — параілі там.
Польшча не выдавала беларусам турыстычных віз ад пачатку пандэміі COVID-19.
Цяпер чытаюць
«Дзеля сваіх дзетак, каб да іх вярнуцца». Дашкевіч расказаў, як трапіў у «нізкі статус» і напісаў прашэнне аб памілаванні8
Каментары