ЗША афіцыйна абвясцілі аб наданні Украіне снарадаў са збедненым уранам
Урад ЗША паведаміў аб наданні Украіне чарговага пакета вайсковай дапамогі, у прыватнасці, боепрыпасаў са збедненым уранам, паведамляе «Еўрапейская праўда» са спасылкай на прэс-службу Пентагона.
Па звестках ведамства, пакет, кошт якога ацэньваецца ў 175 мільёнаў даляраў, будзе ўтрымліваць:
- 120-мм танкавыя снарады са збедненым уранам для танкаў Abrams;
- абсталяванне для сістэм супрацьпаветранай абароны;
- дадатковыя боепрыпасы для ракетных сістэм HIMARS;
- 155-мм і 105-мм артылерыйскія боепрыпасы;
- 81-мм мінамётныя сістэмы і боепрыпасы;
- цяжкія супрацьтанкавыя кіраваныя ракеты TOW, а таксама супрацьтанкавыя комплексы Javelin і AT-4;
- больш за 3 мільёны патронаў для стралковай зброі;
- тактычныя авіяцыйныя сістэмы, а таксама сістэмы абароненай сувязі і дапаможнае абсталяванне;
- боепрыпасы для разбурэння перашкод, запчасткі і іншае палявое абсталяванне.
Гэта ўжо 46-ы пакет дапамогі, якую адміністрацыя Джо Байдэна надасць Украіне з запасаў Міністэрства абароны, пачынаючы са жніўня 2021 года.
Каментары