На продаж выставілі недарагую кватэру з відам на галоўнае скрыжаванне Мінска. Час у ёй спыніўся
На продаж выставілі кватэру ў самым цэнтры Мінска. З яе балкона адкрываецца від на галоўнае скрыжаванне сталіцы — скрыжаванне праспекта Незалежнасці і вуліцы Леніна. Цана за такую лакацыю невялікая, але ўнутры кватэры спыніўся час, таму там трэба рабіць рамонт, піша Realt.by.
Кватэра знаходзіцца ў доме на Незалежнасці, 22. Яго пабудавалі ў 1954 годзе. Цяпер гэты дом многім знаёмы па наступных установах: «Фрайдыс», «Свае», «Іль Патыа».
Кватэра знаходзіцца на чацвёртым паверсе. Агульная плошча — 54,6 квадрата. Столі — 3,3 метра. У яе вось такая планіроўка:
Хоць у кватэры і трэба рабіць рамонт, затое цяпер можна заўважыць некранутыя элементы інтэр'ера яшчэ з часоў здачы дома. Вось, напрыклад, вялізныя дзверы ў гасцёўню.
У гасцёўні на сябе звяртаюць увагу вінтажны столік, падстаўка пад тэлевізар і таршэр.
У другім пакоі таксама ёсць артэфакты, напрыклад: старая швейная машынка, крэсла і той самы сервант.
У кухні на сябе таксама звяртае ўвагу сервант. Глядзіце, колькі на яго патрачана дрэва.
Але галоўнае ў гэтай кватэры — гэта від з балкона. Зашкліць яго вам, дарэчы, ніхто не дасць, але ўсё ж.
Санвузел у кватэры паасобны, і там зроблены больш сучасны рамонт.
За кватэру просяць 109 тысяч даляраў (1996 даляраў за квадрат). І гэта нармальная цана для такой лакацыі.
А яшчэ цікава тое, што прадае кватэру Мінскае гарадское агенцтва дзяржаўнай рэгістрацыі і зямельнага кадастру.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак17
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары