Свята-Елізавецінскі манастыр праводзіць фестываль у Баранавічах — збіраюць дапамогу Данбасу і агітуюць пісаць лісты акупантам
17 верасня ў Баранавічах распачаў працу праваслаўны фестываль «Радасць». Арганізатар — мінскі Свята-Елізавецінскі манастыр. У ім бяруць удзел больш за 30 храмаў і манастыроў з Беларусі, Расіі, Сербіі, Малдовы, Чарнагорыі, Грэцыі і Палестыны, піша «Наш край».
Фестываль праходзіць у самым цэнтры горада — каля ГДК. На адкрыцці фестывалю выступіла адна з арганізатараў фестывалю — сястра Анастасія, на якой заўважная георгіеўская стужка. Яна расказала пра мерапрыемствы, якія ўвайшлі ў яго праграму. Але «асаблівую цікавасць выклікала інфармацыя аб арганізацыі дапамогі Данбасу. Анастасію яшчэ доўга не адпускалі: людзям хацелася нешта ўдакладніць, задаць нейкія асабістыя пытанні», — піша раёнка.
І дадае, што «тэма дабрачыннасці» (чытай, дапамогі расійскаму войску) «праходзіць чырвонай ніткай праз фестывальныя мерапрыемствы».
«Так, 27 верасня ў Доме культуры адбудзецца дабрачынны канцэрт, сродкі ад якога будуць накіраваны на дапамогу Данбасу. А ў любы іншы час працы фестывалю можна падтрымаць братоў-славян, якім цяпер цяжка, зрабіўшы грашовы ўзнос, прынёсшы простыя, але вельмі патрэбныя рэчы (для іх тут паставілі кошык і вывесілі спіс неабходнага) ці проста напісаўшы ліст салдатам», — распавядае раёнка.
Каментары
Московское "православие" давно надо признать еретической сектой и отлучить от Христианства Константинополя.