Вайскоўцаў у Жлобіне асудзілі да гаўптвахты за ўдзел у акцыях пратэсту ў 2020 годзе
Суддзя Жлобінскага раённага суда Святлана Андрэева за два дні, 5 і 6 верасня, вынесла прысуды двум вайскоўцам, абвінаваціўшы іх у арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх (ч. 1 арт. 342 Крымінальнага кодэкса), піша «Вясна».
Артур Панчанка служыў па кантракце на пасадзе старшага пажарнага выратавальніка вайсковай каманды супрацьпажарнай абароны і аварыйна-выратавальных работ у Жлобіне.
Паводле матэрыялаў абвінавачання, Артур Панчанка, «дзейнічаючы сумесна і ўзгоднена ў групе асоб прыкладна з 21 гадзіны 9 жніўня да 1 гадзіны 30 хвілін 10 жніўня 2020 года, «стаяў на праезнай частцы аўтамабільнай дарогі, перашкаджаючы руху грамадскага і іншага транспарту, пляскаў у далоні, выкрыкваў розныя лозунгі, пры гэтым адмаўляўся ад выканання законных патрабаванняў прадстаўнікоў улады».
У Жлобіне, як сцвярджае следства, у дзень выбараў 9 жніўня 2020 года каля 22 гадзін у раёне гарадской плошчы сабралася больш за 1000 чалавек.
Суд пастанавіў прызначыць Панчанку пакаранне ў выглядзе арышту на тры месяцы. Тэрмін адбыцця пакарання лічыць з дня накіравання для адбыцця арышту на гаўптвахту вайсковай камендатуры.
На другі дзень, 6 верасня, суддзя Андрэева разгледзела крымінальную справу яшчэ аднаго вайскоўца— 20-гадовага Максіма Аўсяннікава.
Максім праходзіць тэрміновую службу ў вайсковай часці ў Барысаве. Сутнасць абвінавачання — аналагічная першаму суду, і прысуд напісаны як пад капірку, паведамляюць праваабаронцы.
Прысуд — арышт на тэрмін тры месяцы на гаўптвахце.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі11
Каментары